سعودی عرب میں دہائیوں بعد برفباری

سعودی عرب کے شمالی علاقوں تبوک اور حائل میں غیر متوقع برفباری مقامی لوگوں کے لیے خوشی اور تفریح کا باعث بن گئی۔جَبَل اللوز کے پہاڑی علاقے، جو اردن کی سرحد کے قریب واقع ہیں، وہ سفید چادر سے ڈھک گئے، جس کے باعث مقامی افراد نے باہر نکل کر برف میں کھیلنا، تصاویر لینا اور اسکیئنگ کا لطف اٹھانا شروع کر دیا۔سوشل میڈیا پر وائرل ویڈیوز میں دیکھا گیا کہ خاندان اور دوست گروپس برف پر چل رہے ہیں، تصاویر بنا رہے ہیں، روایتی رقص پیش کر رہے ہیں اور بعض نے سکیئنگ بھی کی۔ جَبَل اللوز کی بلندیوں پر لوگ برف میں سکیئنگ کرتے، ہنستے اور خوشی کا اظہار کرتے نظر آئے۔