پاکستانی قونصل خانے میں بھارتی مظالم کاشکار کشمیریوں سے اظہار یکجہتی کیلئے تقریب کا انعقاد

ہیوسٹن(نمائندہ خصوصی)بھارتی مظالمُ کا شکار کشمیریوں سے اظہار یکجہتی کیلئے ہیوسٹن میں یوم کشمیر کی تقریب کا انعقاد کیا گیا۔ھیوسٹن کے پاکستانی قونصل خانہ میں منعقدہ یوم کشمیر کی تقریب میں کشمیر کمیٹی کی چئیر پرسن غزالہ حبیب وائس قونصل جنرل اشعر شہزاداور سکھ کمیونٹی کے رہنماؤں بشمول ہر دم آزاد سنگھ نے بھی شرکت کی۔تقریب میں صدر پاکستان اور وزیر اعظم پاکستان کے پیغامات بھی پڑھکر سنائے گئے۔تقریب میں مقررین نے مقبوضہ وادی میں مظلوم اور نتہے کشمیریوںٗ پر بھارتی مظالم کی شدید مذمت کرتے ہوئے دنیا بھر میں کشمیر کی آزادی کی جدوجہد کو جدید تقاضوں سے ہم آہنگ کرنے کی ضرورت پر زور دیا۔
ھیوسٹن سے ہمارے نمائندے کی رپورٹ کے مطابق وادی مقبوضہ کشمیر میں بھارتی مظالمُ کا شکار کشمیریوں سے اظہار یکجہتی کیلے ھیوسٹن میں یوم کشمیر کی تقریب کا انعقاد کیا گیا۔ھیوسٹن کے پاکستانی قونصل خانہ میں منعقدہ یوم کشمیر کی تقریب میں کشمیر کمیٹی کی چئیر پرسن غزالہ حبیب وائس قونصل جنرل اشعر شہزاداور سکھ کمیونٹی کے رہنماؤں بشمول ہر دم آزاد سنگھ سمیت پاکستانی ایسوسی ایشن آف گریٹر ھیوسٹن کے صدر سراج نارسی اور آصف قدیر نے بھی شرکت کی۔تقریب میں صدر پاکستان اور وزیر اعظم پاکستان کے پیغامات بھی پڑھکر سنائے گئے۔اس موقع پر گفتگو کرتے ہوے کشمیر کمیٹی کی چئیر پرسن غزالہ حبیب نے کہا بھارت کی ظالمانہ جابرانہ کاروائیوں اور سیاہ قوانین کے نفاذ نے مقبوضہ وادی کو خوف کی وادی میں تبدیل کردیا ہے۔وائس قونصل جنرل اشعر شہزاد کا گفتگو کرتے ہوئے کہنا تھاکہ 5 فروری کو یوم کشمیر منانے کا مقصد اقوام عالم کو کشمیریوں کے ساتھ کئے گئے حق خود ارادیت کے وحدے کی یاد دہانی کرانا ہے۔سکھ کمیونٹی کے ممتازرہنما ہر دم آزاد سنگھ نے تحریک آزادی کشمیر کی مکمل حمایت کرتے ہوئے کشمیریوں کے شانہ بشانہ کھڑے رہنے کے عزم کا اظہار کیا۔