بلوچستان حلقہ پی بی 45 کے 15 پولنگ اسٹیشنز پر ووٹنگ جاری

حلقہ پی بی 45 کے 15پولنگ اسٹیشنز پر پولنگ کا عمل جاری ہے جو شام پانچ بجے تک بغیر کسی وقفے کے جاری رہے گا۔صوبائی الیکشن کمشنر کے مطابق پی بی 45 پر دوبارہ پولنگ کے لیے 15پولنگ اسٹیشن قائم کیے گئے ہیں، مذکورہ پولنگ اسٹیشنز کے قریب سیکیورٹی الرٹ کر دی گئی۔پی بی 45 کے 15پولنگ اسٹیشنز پر 16855 ووٹرز اپنا حق رائے دہی استعمال کریں گے، پولنگ اسٹیشنز پر ری پولنگ کے لیے مجموعی طور پر 51پولنگ بوتھ قائم کیے گئے ہیں۔صوبائی الیکشن کمشنر کا کہنا ہے کہ پی بی 45 کے تمام پولنگ اسٹیشنز کو حساس قرار دیا گیا ہے۔ پولنگ اسٹیشنز پر سیکیورٹی کے بھی فول پروف انتظامات کیے جائیں گے۔حلقے میں پی پی پی، پشتونخوا میپ، پی کے نیپ اور جمعیت کے امیدواروں میں کانٹے کا مقابلہ متوقع ہے۔ پشتونخوا نیشنل عوامی پارٹی کے نصراللہ زیرے اور پشتونخوا میپ کے مجید خان اچکزئی امیدوار ہیں۔