دلچسپ مقابلے میں جنوبی افریقا نے پاکستان کو سنچورین ٹیسٹ میں ہرادیا

جنوبی افریقا نے دلچسپ مقابلے کے بعد پاکستان کو سنچورین ٹیسٹ میں 2 وکٹوں سے شکست دیدی۔سینچورین میں کھیلے گئے سیریز کے پہلے ٹیسٹ میں پاکستان نے اپنی پہلی اننگ میں 211 اور جبکہ جنوبی افریقا نے 301 رنز بنائے تھے۔ پاکستان ٹیم دوسری اننگز میں 237 رنز بناسکی یوں جنوبی افریقا کو میچ جیتنے کیلئے 148 رنز کا ہدف ملا جو انہوں نے 8 وکٹوں کے نقصان پر 39.3 اوورز میں حاصل کرلیا، مارکو جانسن 16 اور کاگیسو ربادا 31 رنز کے ساتھ ناٹ آؤٹ رہے۔پاکستان کی طرف سے محمد عباس نے میچ کی دوسری اننگ میں شاندار بولنگ کرتے ہوئے 6 وکٹیں حاصل کیں۔