امریکی الیکشن 2020ء:ٹرمپ کا دھاندلی کے ثبوت تلاش کرنے کا منصوبہ

واشنگٹن:واشنگٹن پوسٹ کے مطابق ٹرمپ 2020 کے انتخابات کی جانچ پڑتال کے لیے تحقیقاتی ٹیموں کو اکٹھا کرنے کا ارادہ رکھتے ہیں۔
رائٹر کی رپورٹ کے مطابق واشنگٹن پوسٹ نے جمعہ کو ذرائع کا حوالہ دیتے ہوئے کہا کہ امریکی منتخب صدر ڈونالڈ ٹرمپ محکمہ انصاف میں تحقیقاتی ٹیموں کو اکٹھا کرنے کا ارادہ رکھتے ہیں تاکہ اس بات کا ثبوت تلاش کیا جا سکے کہ 2020 کے انتخابات کو دھوکا دہی نے داغدار کیا تھا۔
انٹرنیشنل میڈیا کے مطابق ٹرمپ کے لاکھوں حامی ان کے اس بے بنیاد الزام سے اتفاق کرتے ہیں کہ ووٹروں کی وسیع دھوکا دہی کی وجہ سے وہ 2020 کے انتخابات میں جو بائیڈن سے ہار گئے تھے۔ ٹرمپ نے 2024 کا الیکشن جیتا لیکن 2020 کا الیکشن بائیڈن سے ہار گیا تھا۔
غیر ملکی میڈیا کے مطابق ٹرمپ پر گزشتہ سال انتخابات میں دھاندلی کی کوششوں سے متعلق فرد جرم عائد کی گئی تھی اور یہ الزامات خصوصی وکیل جیک اسمتھ کی تحقیقات سے سامنے آئے۔
واشنگٹن پوسٹ نے ٹرمپ کی عبوری ٹیم کے دو لوگوں کا حوالہ دیتے ہوئے رپورٹ کیا کہ ٹرمپ اسمتھ کے ساتھ کام کرنے والی پوری ٹیم کو برطرف کرنے کا ارادہ رکھتے ہیں۔