پاکستانی اداکارہ عریشہ رضی رشتہ ازدواج میں منسلک

کراچی: شوبز انڈسٹری کی نوجوان اداکارہ عریشہ رضی کی شادی کی تصاویر اور ڈانس ویڈیوز سوشل میڈیا پر وائرل ہوگئیں۔گزشتہ کچھ دنوں سے عریشہ رضی کی شادی کی تقریبات جاری تھیں جن میں ڈھولکی، برائیڈل شاور، دُعائے خیر، مایوں اور گیم نائٹ شامل تھیں جبکہ 10 فروری کی شب کراچی میں اداکارہ کی رخصتی کی تقریب منعقد ہوئی۔عریشہ رضی نے اپنے شادی کے دن لال رنگ کا خوبصورت عروسی لباس زیب تن کیا جس کے ساتھ اُنہوں نے بھاری جیولری بھی پہنی، اداکارہ کا میک اپ، جیولری، لباس اور اسٹائل بالکل بھارتی دلہنوں جیسا تھا جبکہ اُن کے دولہے میاں نے سیاہ رنگ کی شیروانی کا انتخاب کیا۔