چین: ماڈلنگ کی دنیا میں قدم رکھنے والا 88 سالہ شہری

شینیانگ: ایک 88 سالہ اداکار اور فیشن ماڈل ایک بار پھر سوشل میڈیا پر اپنی وجاہت کی وجہ سے سرخیاں بنا رہا ہے۔وانگ ڈیشون ایک 88 سالہ اداکار اور فیشن ماڈل ہیں جنہوں نے 2015 میں بیجنگ میں چائنا فیشن ویک کے رن وے پر چلنے کے بعد شہرت پائی۔اپنے مشہور واک آؤٹ کے بعد وانگ کو دنیا کے بڑی بڑی فیشن انڈسٹریز اور برانڈز سے پروجیکٹس ملنا شروع ہوگئے۔ اور اب وہ دنیا کے مشہور چینی اداکاروں اور ماڈلز میں سے ایک ہیں۔وہ 1936 میں شہر شینیانگ میں ایک معمولی گھرانے میں پیدا ہوئے۔ ان کے والدین نے انکے اداکار بننے کے خواب کی حمایت اور حوصلہ افزائی کی۔ وانگ ڈیشون نے ٹی وی انٹرویو میں بتایا کہ لوگ جب چاہیں اپنی زندگی بدل سکتے ہیں۔ ذہنی طور پر صحت مند ہونے کا مطلب ہے کہ آپ جانتے ہیں کہ آپ کو کیا کرنا ہے۔ اپنے خوابوں کو پورا کرنے کے لیے عمر کو کبھی بھی رکاوٹ نہ بننے دیں۔