قومی ٹیم کی کوچنگ کیلئے گیری کرسٹن اور جیسن گلیسپی سے معاملات طے

پاکستان کرکٹ ٹیم کے غیر ملکی کوچز سے معاملات کو حتمی شکل سے دی گئی ہے اور گیری کرسٹن اور جیسن گلیسپی کی تعیناتی کا باضابطہ اعلان نیوزی لینڈ سیریز کے اختتام پر کیے جانے کا امکان ہے۔ذرائع نے بتایا کہ بھارت کو 2011 کا ورلڈ کپ جتوانے والے گیری کرسٹن کو محدود اوورز جبکہ آسٹریلیا کے جیسن گلیسپی ریڈ بال کے کوچز ہوں گے۔حال ہی میں وقتی طور پر ہیڈ کوچ مقرر کیے گئے اظہر محمود دونوں فارمیٹ میں اسسٹنٹ کوچ کی ذمہ داری ادا کریں گے۔نئے کوچز کا پہلا اسائنمنٹ آئرلینڈ کے خلاف ٹی ٹوئنٹی سیریز ہوگی جو مئی میں کھیلی جائے گی۔واضح رہے کہ پاکستان کرکٹ بورڈ کی گزشتہ کافی عرصے سے قومی ٹیم کے ہیڈ کوچ کے لیے مختلف معروف غیرملکی کرکٹرز اور کوچز سے رابطے ہیں۔قومی ٹیم کی کوچنگ کے لیے گیری کرسٹن اور جیسن گلیسی پی کے ساتھ ساتھ شین واٹسن، اینڈی فلاور اور بریڈ ہیڈن کے نام بھی زیر غور تھے۔