پاکستانی پاسپورٹ میں تبدیلی کا فیصلہ

اسلام آباد: پاکستانی پاسپورٹس میں بڑی تبدیلی کا فیصلہ کر لیا گیا۔
نئے جاری ہونے والے پاسپورٹس پر والد کے ساتھ اب والدہ کا نام بھی لازمی قرار دے دیا گیا، تجدید کرائے جانے والے پاسپورٹس پر والد اور والدہ کا نام بھی لکھا جائے گا۔
ترجمان پاسپورٹس اینڈ امیگریشن کے مطابق فیصلہ عالمی معیار سے ہم آہنگ ہونے اور سماجی ضروریات کو مدنظر رکھتے ہوئے کیا گیا، اس اقدام کا مقصد عالمی تقاضے پورے کرنا ہے۔
اس نئے نظام کے بعد یہ سوال اٹھایا جا رہا ہے کہ جن کے پاس پہلے سے جاری شدہ پاسپورٹس ہیں، کیا ان کو نئے پاسپورٹ بنوانا ہوں گے؟
اس حوالے سے تاحال حتمی پالیسی جاری نہیں کی گئی، تاہم حکام کا کہنا ہے کہ موجودہ پاسپورٹس اپنی معیاد تک کارآمد رہیں گے اور نئی تبدیلی کا اطلاق آئندہ جاری ہونے والے پاسپورٹس پر ہوگا۔