حضرت عیسیٰ کے دوسرے جنم کے دعویدار متنازع شخص کو 12 سال قید

روس میں خود کو حضرت عیسٰی علیہ السلام ظاہر کرنے والے ایک شخص کو عدالت نے 12 سال قید کی سزا سنائی ہے۔
اس شخص کا نام سرگئی ٹوروپ ہے جو خود کو “ویساریون” کہلواتا تھا۔ اس نے 1990 کی دہائی میں ایک نیا مذہبی فرقہ قائم کیا تھا، ویساریون نے دعویٰ کیا تھا کہ وہ حضرت عیسٰیؑ کا “دوسرا جنم” ہے۔
اس نے سائبیریا کے جنگلات میں ایک بڑی روحانی کمیونٹی قائم کی جہاں ہزاروں پیروکار اس کی تعلیمات پر عمل کرتے تھے۔
روسی حکام نے 2020 میں اس کو گرفتار کیا اور اس پر بچوں کے استحصال، جسمانی و ذہنی تشدد اور غیرقانونی مذہبی سرگرمیوں کے الزامات عائد کیے۔ عدالت نے حال ہی میں سرجی کو 12 سال کی قید کی سزا سنائی۔ یہ سزا سرجی سخت قید والے کیمپ میں کاٹے گا۔
واضح رہے کہ روسی حکام مذہبی فرقوں پر کڑی نظر رکھتے ہیں خاص طور پر ان پر جو لوگوں کو گمراہ کرنے یا ریاستی نظام کے خلاف اُکسانے کا رجحان رکھتے ہیں۔ ویساریون کی تنظیم کو “تباہ کن مذہبی فرقہ” قرار دیا گیا ہے۔